ஆஃப்கானிஸ்தானில் திடீர் தாக்குதல், பல குழந்தைகள் பலி
நேற்று ஆஃப்கானிஸ்தானின் கோஸ்ட் மாகாணத்தில் பாகிஸ்தான் நடத்திய வான்வழித் தாக்குதல்களில் 9 குழந்தைகள் உட்பட குறைந்தது 10 பேர் கொல்லப்பட்டுள்ளதாக தாலிபான் அரசு தெரிவித்துள்ளது.
மேலும், குனார் மற்றும் பக்திகா மாகாணங்களில் நடத்தப்பட்ட தாக்குதல்களில் 4 பேர் காயமடைந்ததாகவும் கூறப்படுகிறது. இருப்பினும் இந்த குற்றச்சாட்டை பாகிஸ்தான் மறுத்துள்ளது.
எல்லை மாகாணமான கோஸ்ட் பகுதியில் உள்ள பாகிஸ்தானிய தாலிபான் குழுவின் மறைவிடங்களை குறிவைத்து இந்த தாக்குதல்கள் நடத்தப்பட்டதாக பாகிஸ்தான் உளவுத்துறை வட்டாரங்கள், டிபிஏ ( DPA ) செய்தி நிறுவனத்திடம் தெரிவித்துள்ளன.
ஆப்கானிஸ்தானுக்கும் பாகிஸ்தானுக்கும் இடையிலான அமைதிப் பேச்சுவார்த்தை, பாகிஸ்தானின் பொறுப்பற்ற நடவடிக்கைகளால் தடைபட்டதாக தாலிபான் அரசு சமீபத்தில் குற்றம்சாட்டியது. பாகிஸ்தானுக்கு எதிரான நடவடிக்கைகளை மேற்கொள்ளும் ’தெஹ்ரிக்-இ-தலிபான் பாகிஸ்தான்’ என்ற குழுவை ஆஃப்கானிஸ்தான் கட்டுப்படுத்த வேண்டும் என பாகிஸ்தானும் கண்டனங்களை எழுப்பியது குறிப்பிடத்தக்கது.
அரசியல் இலாபத்துக்காக மோதல்கள் வேண்டாம் – சஜித்
