குறுகிய அரசியல் இலாபத்துக்காக இன–மத மோதல்கள் உருவாவதை தடுக்க வேண்டும்.
அத்துடன், தேசிய ஒருமைப்பாட்டுக் குழுவை உடனடியாக அமைக்க வேண்டும் என்று எதிர்க்கட்சித் தலைவர் சஜித் பிரேமதாச வலியுறுத்தினார்.
அமரபுர மகா பீடத்தில் இடம்பெற்ற நிகழ்வில் அவர் இதனை குறிப்பிட்டார்.
நாட்டின் ஜனநாயகத்தை நடைமுறையில் பலப்படுத்துவதும், இன–மத நல்லிணக்கத்தை வளர்ப்பதும் அனைவரின் பொறுப்பென அவர் குறிப்பிட்டார்.
பௌத்த மதத்துக்கு வழங்கப்பட்ட சிறப்பிடத்துடன், பிற மதங்களுக்கும் உரிய பாதுகாப்பும் மரியாதையும் கிடைத்தால், தேசிய ஒற்றுமை மேலும் வலுவாகும் என சஜித் பிரேமதாச தெரிவித்தார்.
