அரச ஊழியர்கள் பணி நீக்கம் செய்யப்படுவார்களா?
கனடாவில் உள்ள அரச ஊழியர்கள் பணி நீக்கம் செய்யப்பட மாட்டார்கள் என கனடா அரசாங்கம் தெரிவித்துள்ளது.
மத்திய அரசாங்கம் பாதீட்டினை சமர்ப்பித்துள்ள நிலையில், இந்த விடயம் குறிப்பிடப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
அவைத் தலைவர் ஸ்டீவன் மாகினன் பொதுச் சேவை பணிநீக்கங்கள் குறைவாகவே இருக்கும் எனவும் அதுவே எங்களது நோக்கம் எனவும் குறிப்பிட்டுள்ளார்.
அரச ஊழியர்கள் வழங்கும் பங்களிப்புகளை நாங்கள் மதிக்கிறோம் எனவும் அவர் தெரிவித்துள்ளார்.
மேலும், அரச ஊழியர்களின் எண்ணிக்கையை நாற்பதாயிரமாக குறைப்பது தொடர்பில் அந்த நாட்டின் நிதி அமைச்சர் தெரிவித்திருந்தார்.
எனினும் அரச சேவையில் பெருமளவில் ஆட்குறைப்பு செய்யப்பட மாட்டாது என அவைத் தலைவர் ஸ்டீவன் மாகினன் தெரிவித்துள்ளார்.
