அதிமுகவில் இருந்து நீக்கப்பட்டுள்ள முன்னாள் அமைச்சர் செங்கோட்டையன், தவெகவில் இணைய வாய்ப்புள்ளதாக கூறப்படும் நிலையில் கட்சியில் அவருக்கு மாநில அமைப்புச் பொதுச் செயலாளர் பொறுப்பு வழங்கப்படவுள்ளதாகவும் தகவல் வெளியாகியுள்ளது.
புதன் அல்லது வியாழக்கிழமை அன்று சென்னையில் விஜயை சந்தித்து செங்கோட்டையன் தவெகவில் இணைய உள்ளதாக கூறப்படுகிறது. இது தொடர்பாக கடந்த சில நாட்களாக செங்கோட்டையனுடன் பேச்சுவார்த்தை நடைபெற்று வருவதாகவும், 99 சதவீதம் பேச்சுவார்த்தை நிறைவடைந்துள்ள நிலையில் இறுதிகட்ட பேச்சுவார்த்தை நடப்பதாகவும், த.வெ.கவில் செங்கோட்டையன் இணையும் பட்சத்தில் கோபிச்செட்டிபாளையம் எம்.எல்.ஏ பதவியை அவர் ராஜினாமா செய்யவுள்ளதாகவும் கூறப்படுகிறது.
இதனிடையே, த.வெ.க.வில் இணைய உள்ளீர்களா? என கோபிச்செட்டிப்பாளையத்தில் செய்தியாளர்கள் எழுப்பிய கேள்விகளுக்கு பதில் ஏதும் கூறாமல் செங்கோட்டையன் புறப்பட்டுச்சென்றார்.
தமிழர் வரலாற்றை கட்டாயப் பாடமாக்க வலியுறுத்தல்!
