ஆபத்தான திசையில் இலங்கை – அதிர்ச்சி
உலகளவில் HIV தொற்றைக் குறைப்பதில் பெரும் முன்னேற்றம் ஏற்பட்டுள்ள நிலையில், சமீபத்திய தரவுகளின்படி இலங்கை அதற்கு நேர்மாறான திசையில் நகர்ந்து வருகிறது.
உலகளவில், 2010 உடன் ஒப்பிடும்போது 2024 ஆம் ஆண்டில் புதிய HIV தொற்றுகள் 40% குறைந்துள்ளன.
எனினும், HIV மீதான ஐக்கிய நாடுகளின் கூட்டறிக்கை (UNAIDS) இந்த வீழ்ச்சி விகிதம் பிராந்தியத்திற்குப் பிராந்தியம் வேறுபடுவதாகவும், இலங்கை தவறான காரணங்களுக்காகத் தனித்து நிற்பதாகவும் குறிப்பிடுகிறது.
அதே காலகட்டத்தில் நாட்டில் மதிப்பிடப்பட்ட புதிய HIV தொற்றுகள் 48% அதிகரிப்பைப் பதிவு செய்துள்ளது. இது HIV பரவல் அதிகரித்து வருவதைக் குறிக்கிறது.
இலங்கை 2024-இல் 824 புதிய HIV தொற்றுகளைப் பதிவு செய்துள்ளது, இது ஒரே ஆண்டில் இதுவரை இல்லாத அதிகபட்ச எண்ணிக்கையாகும்.
கடந்த பத்தாண்டுகளாக காணப்பட்ட இந்த உயர்வுப் போக்கு தொடர்கிறது. தற்போதைய மதிப்பீடுகளின்படி, நாட்டில் சுமார் 5,700 பேர் HIV உடன் வாழ்கின்றனர்.
இந்த அதிகரிப்பு இருந்தபோதிலும், பொதுவான வயதுவந்த மக்களிடையே ஒட்டுமொத்த HIV பரவல் 0.1% க்கும் குறைவாகவே உள்ளது.
2010 முதல் 2024 வரையிலான தரவுகள் பதிவான HIV தொற்றுகளில் ஒரு நிலையான மற்றும் குறிப்பிடத்தக்க அதிகரிப்பைக் காட்டுகிறது.
2010 இல் 121 ஆக இருந்த தொற்றுகள் 2024 இல் 824 ஆக உயர்ந்துள்ளது.
இதில் ஆண்களே தொற்றுகளில் அதிக எண்ணிக்கையைக் கொண்டுள்ளனர்.
15 வயதிற்கு மேற்பட்ட ஆண்களிடையே தொற்றுகள் 9 மடங்குக்கும் அதிகமாக உயர்ந்துள்ளது.
இது 2010 இல் 76-ஆக இருந்து 2024 இல் 722 ஆக அதிகரித்துள்ளது.
இளைஞர்களிடமும் குறிப்பிடத்தக்க அதிகரிப்பு காணப்படுகிறது.
இதன்படி 15–24 வயதிற்குட்பட்டவர்களிடையே பதிவான தொற்றுகள் 2010 இல் 13-ஆக இருந்து 2024 இல் 115 ஆக உயர்ந்துள்ளது.
மிகவும் குறிப்பிடத்தக்க உயர்வு 20–24 வயதுடைய ஆண்களிடையே நிகழ்ந்துள்ளது.
அங்கு தொற்றுகள் அதே காலகட்டத்தில் 10 இலிருந்து 91 ஆக உயர்ந்துள்ளது.
இந்த அதிர்ச்சி தரும் தரவு, நாட்டில் HIV பரவல் தடுப்பு மற்றும் விழிப்புணர்வு முயற்சிகளைத் தீவிரப்படுத்த வேண்டியதன் அவசியத்தை உணர்த்துகிறது.
தமிழ்நாட்டில் மீண்டும் ரெட் அலர்ட்.. எங்கு, எப்போது? – வானிலை மையம் அலர்ட்
