மாகாணசபை தேர்தல் குறித்து ஜனாதிபதி நேற்று தெரிவித்த கருத்து தொடர்பில் நாடாளுமன்ற உறுப்பினர் சிவஞானம் ஸ்ரீதரன் தமது நிலைப்பாட்டை இன்று வெளியிட்டார்.
தேர்தலை நடத்த நிதி ஒதுக்கியிருந்தாலும் அதனை நடத்துவதற்குக் காட்டும் ஆர்வம் குறைவாகவே உள்ளதாக ஸ்ரீதரன் தெரிவித்தார்.
நாடாளுமன்ற அமர்வில் கலந்து கொண்டு ஸ்ரீதரன் கருத்துத் தெரிவித்தார்.
“வரும் ஆனால் வராது” என்ற நிலைப்பாட்டில் ஜனாதிபதி தனது உரையை நிகழ்த்தியிருந்ததாக அவர் குறிப்பிட்டார்.
நாட்டில் உள்ள தமிழர்களைத் தோல்வியடைந்தவர்களாக காட்டவே மாறிமாறி வரும் அரசாங்கங்கள் செயற்படுவதாக ஸ்ரீதரன் குற்றஞ்சாட்டினார்.
இது நாட்டுக்கும் எதிர்காலத்துக்கும் நல்லதல்ல என அவர் கூறினார்.
