நிரந்தர குடியுரிமை வழங்கும் பிரித்தானியா
அதிக வருமானம் ஈட்டுபவர்கள் மற்றும் தொழில்முனைவோருக்கு 3 ஆண்டுகளில் நிரந்தர குடியுரிமை பெறும் புதிய வசதியை பிரித்தானிய அரசாங்கம், அறிமுகப்படுத்தவுள்ளது.
இந்த புதிய விதிமுறை, கடந்த 50 ஆண்டுகளில் இல்லாத மிகப்பெரிய குடிவரவு சீர்திருத்தமாகக் கருதப்படுவதாக சர்வதேச ஊடகங்கள் செய்தி வெளியிட்டுள்ளன.
பிரித்தானிய உள்துறை அலுவலகம் வெளியிட்ட தகவலின்படி, 125,000 பவுண்ட்ஸ்க்கும் மேல் வருமானம் ஈட்டும் நபர்கள் 3 ஆண்டுகளுக்குப் பிறகு நிரந்தர குடியுரிமைக்கு விண்ணப்பிக்கலாம்.
இதற்கான நிபந்தனைகளில் வேலைவாய்ப்பு நிலை, குற்றவியல் பதிவில்லாமை, உயர்ந்த தரத்தில் ஆங்கிலம் பேசுதல், சலுகைகள் கோராமை ஆகியவை உள்ளடங்குகின்றன.
தற்போதைய விதிகளின் கீழ், பொதுவாக 5 ஆண்டுகள் கழித்து நிரந்தர குடியுரிமை வழங்கப்படுகிறது.
ஆனால், புதிய திட்டம் பொருளாதார வளர்ச்சிக்குப் பங்களிக்கும் திறமையான நபர்களுக்கு விரைவான குடியுரிமை வாய்ப்பை வழங்குகிறது என தெரிவிக்கப்படுகிறது.
இதற்கிடையில், சுகாதாரத் துறையில் பணிபுரியும் மருத்துவர்கள் மற்றும் செவிலியர்கள் 5 ஆண்டுகளில் நிரந்தர குடியுரிமை பெறலாம்.
குறைந்த சம்பளத்துடன் வந்துள்ள 6 இலட்சம் சுகாதார பணியாளர்கள் மற்றும் அவர்களின் குடும்பத்தினர், 15 ஆண்டுகள் காத்திருக்க வேண்டிய நிலை ஏற்படும்.
சட்டவிரோத புலம்பெயர்ந்தோர் மற்றும் விசா காலாவதியானவர்கள் 30 ஆண்டுகள் வரை காத்திருக்க வேண்டியிருக்கும்.
புதிய விதிகள், அதிக வருமானம் ஈட்டுபவர்கள் மற்றும் தொழில்முனைவோருக்கு விரைவான குடியுரிமை வழங்குவதன் மூலம், பிரித்தானியாவின் பொருளாதார வளர்ச்சியை ஊக்குவிக்கும் நோக்கத்துடன் அமுல்படுத்தப்படுகின்றன.
புன்னாலைக்கட்டுவனில் இளைஞர்களின் தாக்குதலுக்குள்ளான குடும்பஸ்தர் உயிரிழப்பு!
