கோலிவுட்டில் தீயாய் பரவும் தகவல்
‘வீர தீர சூரன்’ பட இயக்குநர் எஸ்.யு. அருண்குமார், கமல்ஹாசனைச் சந்தித்து ஒரு புதிய படத்துக்கான கதையை விவரித்துள்ளார் என்று பரவலாக தகவல்கள் கோலிவுட்டில் வெளியாகி உள்ளன.
அருண்குமார் சொன்ன கதை கமல்ஹாசனுக்கு மிகவும் பிடித்துவிட்டதாகவும், அதனால் தனது தயாரிப்பு நிறுவனமான ராஜ் கமல் பிலிம்ஸ் இன்டர்நேஷனல் (RKFI) சார்பில் அந்தப் படத்தைத் தயாரிக்க அவர் ஒப்புக்கொண்டதாகவும் தகவல்கள் கூறுகின்றன.
இந்தக் கூட்டணியில் கமல்ஹாசன் நடிப்பாரா அல்லது தயாரிப்பாளராக மட்டும் இருப்பாரா என்ற கேள்வி எழுந்துள்ளது. கமல்ஹாசன் ஏற்கனவே ரஜினியுடன் அவரது 173 ஆவது படம், அன்பறிவ் இயக்கத்தில் ஆக்சன் திரைப்படம், ‘விக்ரம் 2’ போன்ற பல படங்களில் நடிக்க கமிட் ஆகியுள்ளதால், அருண்குமார் இயக்கத்தில் வேறொரு முன்னணி நடிகர் நடிக்க வாய்ப்புள்ளதாகவும், கமல்ஹாசன் தயாரிப்பாளராக மட்டும் இருப்பார் என்றும் அதிகளவில் பேசப்படுகிறது.
இந்த புதிய படம் குறித்து கமல்ஹாசன் தரப்பில் இருந்து அதிகாரப்பூர்வ அறிவிப்பு எதுவும் இதுவரை வெளியிடப்படவில்லை.
இயக்குனர் எஸ்.யு. அருண்குமார் வீர தீர சூரன் படத்திற்கு முன்னர் ‘சேதுபதி’, ‘சித்தா’ போன்ற விமர்சன ரீதியாக பாராட்டப்பட்ட படங்களை இயக்கியவர்.
மேலும் கமல்ஹாசன் எப்போதும் தரமான மற்றும் புதிய முயற்சிகளை ஆதரிப்பவர் என்பதால், இந்தக் கூட்டணி அமைந்தால் அது ஒரு தரமான படைப்பாக அமையும் என்ற எதிர்பார்ப்பு ரசிகர்கள் மத்தியில் உள்ளது.
சட்டவிரோத கசிப்பு உற்பத்தி – 250 லீற்றர் கசிப்பு கைப்பற்றல்
