ஆதிரை எலிமினேட் ஆனதற்கு காரணம் இதுதான்

ஆதிரை எலிமினேட் ஆனதற்கு காரணம் இதுதான்

பிக்பாஸ் தமிழ் சீசன் 9 தொடங்கி விறுவிறுப்பாக சென்று கொண்டிருக்கிறது. தகுதியற்ற போட்டியாளர்களை அனுமதித்திருப்பதாக நெட்டிசன்கள் விமர்சித்து வருகின்றனர்.

பல சோதனைகளுக்கு பிறகே ஆட்கள் தேர்வு செய்யப்பட்டதாகவும் விஜய் சேதுபதி கூறிவிட்டார். ஆனாலும் இவர்கள் இப்படி செய்வார்கள் என்று எதிர்ப்பார்க்கவில்லை என மனமுடைந்த அவர், கடந்த வாரம் அனைத்து போட்டியாளர்களுக்கும் ரெட் கார்ட் கொடுக்கப்படும் என வார்னிங் கொடுத்துவிட்டார்.

ஆனாலும் சில போட்டியாளர்கள் புரிந்து கொள்ளாமல் தரக்குறைவாக பேசியும், கீழ்த்தரமான செயல்களையும் தொடர்ந்து செய்து வருகின்றனர்.
இதை தொடர்ந்து கடந்த வார இறுதியில் ஆதிரை எலிமினேட் செய்யப்பட்டார்.

வெளியே வந்த அவர், நான் இதற்கு தகுதி அல்ல. உள்ளே என்னை விட தகுதியற்றவர்கள் இருக்கும் போது நான் வெளியே வந்தது சரி அல்ல என்றும், மக்கள் சரியாக என்னை புரிந்து கொள்ளவில்லை எனவும் தனது ஆதங்கத்தை வெளிப்படுத்தினார்.

இதையடுத்து வெளியே வந்த அவர் முதற்முறையாக விஜய் தொலைக்காட்சிக்கு பேட்டி கொடுத்துள்ளார். அதில் பிக்பாஸ் 8 போட்டியாளரும், தொகுப்பாளருமான ஜாக்குலின் அவரை கேள்வி கேட்கிறார்.

அவருக்கு பதில் அளித்த ஆதிரை, 2வது வாரம் கொஞ்சம் டவுன் ஆனேன் தான் ஆனால், 3வது வாரம் என் கேமை நன்றாகவே விளையாடினேன்.

நிச்சயமாகவே மக்களோட முடிவு தப்புதான். என்னைவிட தகுதியில்லாத நபர்கள் உள்ளே இருக்கிறார்கள். ஆனால் நான் வெளியேறிவிட்டேன் என்று தெரிவித்தார்.

தகுதியில்லாத நபர்கள் யார் என்ற கேள்விக்கு,
கலையரசன், நான் விளையாடிய பாதி கூட விளையாடவில்லை.
கம்ருதின் – நான் அவருடன் 2 அரை வருடங்கள் வேலை பார்த்திருக்கேன். வெளியிலும் கோபம் வந்தால் இப்படிதான் வார்த்தையை அள்ளி தெளிப்பார். அதே போன்று தான் வீட்டிற்குள்ளும் செய்கிறார் என்று தெரிவித்தார்.

நீங்க ஏன் வெளியே வந்தீங்கனு நினைக்கிறீங்க என்ற கேள்விக்கு,
ஜூஸ் டாஸ்கில் ரொம்ப ரூடாக நடந்து கொண்டேன், பாட்டில் தூக்கி எறிந்தது, வினோத் அண்ணாவிடம் நடந்து கொண்டது மக்களுக்கு பிடிக்காமல் போயிருக்கலாம்.

ஆனால் என் இடத்தில் இருந்து பார்த்தால் தான் நான் செய்தது சரி என்று உங்களுக்கு தெரியும் என்று கூறியுள்ளார்.

பிறகு ஒவ்வொரு வரியை சொன்னதும், உங்களுக்கு யார் நினைவில் வருகிறார் என்று கூறுங்கள் என்று சொன்ன ஜாக்குலின் 5 தலைப்புகளை ஆதிரைக்கு சொன்னார்.

அதற்கு பதிலளித்த ஆதிரை, நடிப்பு – விஜே பாரு, விஷம் – கம்ருதின், மிக்சர் – கலையரசன், அன்பு, பாசம் – கனி, நாட்டாமை – சபரி என்று கூறினார்.

பிறகு கடைசியாக டாப் 5 போட்டியாளர்கள் என்று யாரை நினைக்கிறீர்கள் என்று கேட்டதற்கு, எஃப் ஜே, கனி, சபரி, கெமி, சுபிக்‌ஷா என்று தெரிவித்தார்.

போதைப்பொருளால் ஏற்படும் பேரழிவை தோற்கடிப்பேன்” – ஜனாதிபதி